مقابلة مع احمد طومان

المتكلم:ادينا نبذة عن حضرتك

احمد طومان: اسمي احمد طومان السن 22 سنة عايش في المحلة الكبري -مصر انا شغال فى شركة advertising وعايش لوحدي وبحب المشي بليل لمسافات طويلة 

المتكلم: انت بدأت امتى وازاي؟

احمد طومان:انا بدأت من حوالى 4 سنين كنت برسم بورترية فى الكافيهات والاماكن السياحية .. كانت بورتريهات فحم وزيت على كانفاس وبعدين دخلت مجال الديجيتال أرت من حوالى سنة

المتكلم: انت ايه الي عجبك في المجال؟

احمد طومان:انا بحب الرسم وهو كل حياتى يعنى واشتغلت فيه فترة طويلة فلما لاقيت انى ممكن اطور دا ويبقى له استخدامات تانية غير رسم البورترية فحبيت ادخل واوسع لدايرة

المتكلم: ايه هو الي بيخليك تستلهم الفكرة او العمل او البروجيكت الي بتشتغله؟

احمد طومان: هو الموضوع دا كان من المشاكل اللى واجهتنى .. انا كنت رسام بورترية يعنى برسم حاجه ادامى ومطلوب منى ارسمها .. بس لما بدأت فى الديجيتال ارت بقيت بتفرج على اعمال فنانين كتير وهو دا مصدر الهامى .. لو بيكون فى فكرة ف دماغى فبيكون الموضوع اسهل

المتكلم:ايه هو مثلك الاعلي والي عايز تبقي زيه؟

احمد طومان: oscar ramos اوسكار اموس

المتكلم: ربنا يوفقك وتبقي احسن منو ان شاء الله

طيب انت بتشتغل علي ايه علي العتاد الالكتروني يعني (المواصفات الالكترونية و الاجهزة الالكترونية)

احمد طومان: بشتغل بتابلت Genius و لابتوب توشيبا

المتكلم:ايه المواقع الي بتحب تخش عليها وتشوف اعمال تانية عليها

احمد طومان: behance بيهانس

المتكلم: ايه اكتر مدة تطورت فيها او عملت حاجة خليتك تطور وايه هي؟

احمد طومان: الشهر الاخير لما قررت ارسم رسومات اوسكار علشان اتعلم منها الفكرة انى كنت برسم كويس بس على ورق بس لما غيرت الخامات وبقيت برسم ديجيتال فكنت محتاج اتمرن على الخامات برسومات اترسمت بنفس الادوات وبدأت اربط بينهم

المتكلم: ايه الحاجة الي تنصح بيها حد لسا بادئ في المجال؟

احمد طومان: انصحه انه يتفرح كتير ويشتغل كتير على قد ما يقدر ... لان الخبرة اللى هيكتسبها من الممارسة اكبر من اى خبرة هيكتسبها من انه يسمع معلومات او حد يقوله حاجه

المتكلم: ايه الفرق بين الكارتون والديجيتال ارت؟

احمد طومان: الديجيتال ارت هو الفن الرقمى .. يعنى بيندرج تحته الريتاتشنج .. والدمج والرسم وكل الحاجات دى .. مع بعض ..

المتكلم:ان شاء الله الكل يستفاد من حضرتك واسف لو شيعنا وقتك و عيد سعيد  وشكرا

احمد طومان: وانت طيب و كل سنة وكل الناس طيبين

من رسمات احمد طومان

ونشكر احمد طومان ونتمني له كل خير وتقدم :"] وشكرا