مقابلة مع المصمم احمد عماد الدين

بسم الله الرحمن الرحيم

مقابله مع المصمم احمد عماد الدين

ادينا نبذه عن حضرتك ؟
انا احمد عماد الدين، 17 سنة ، مصمم جرافيك و Digital Artist ، من القاهرة ومولود في السعودية و عايش فيها حاليا

بدأت امتي و ازاي ؟
كنت شغال في المنتديات وبعمل منتديات و مواقع و مهتم بالمجال ده جدا .. كنت بحتاج تصاميم عشان اكمل شغلي و مكنتش بعرف اعملها طبعا فكنت بلجأ اني اكلم مصممين وأطلب منهم الي انا عاوزه .. لحد ما طلبت من واحد صاحبي ” Ibrahim A. El-Shafe’y” و هو أصر انه يعلمني الفوتوشوب عشان اخدم نفسي و اداني رابط الفوتوشوب و بدأ يساعدني في اي حاجه انا عاوزها و شرحلي فكرة البرنامج وبدأت اشتغل مع نفسي و بدأت أعمل التواقيع الي هي التصاميم الصغيره الي كانت بتتحط في المنتديات زمان و فضلت فتره فيها لحد ما بدأت اتابع المجال كتصميم و كفن وبقيت اتفرج على المواقع الاجنبي و الدروس و كانت دي نقطة التحول في حياتي للمجال

ايه هو تخصصك في التصميم مجال الـ  ? Photomanipulation
.. هو مجال كبير جدا وعاوز له مقاله لوحده بس الي اقدر اقوله انه مجال جميل جدا و ممتع المجال طبعا كبير زي ما قولت انا متخصص في ٣ انواع Dark , Surreal and Horror

ايه الي عجبك في المجال ؟
من الجمال الي كنت بشوفه في المواقع الاجنبي فطمحت اني في يوم من الايام اعمل حاجات زي دي عشان حبيتها و هو بصراحة مجال ممتع جدا و شيق و كبير .. و كل يوم فيه جديد

والادوات الي بتستخدمها في شغلك ؟

 اللاب توب , الاستوكات (الصور الي بستخدمها في شغلي Photoshop و  Cinema 4D

ايه هو الي بيخليك تستلهم الفكرة او العمل او البروجيكت الي بتشتغله؟
الطبيعه المعكوسه يعني اي حاجه طبيعيه اشوفها بشكل غريب و معكوس , تصاميم مصممين تانين و حاجات تانيه كتير و الطبيعي ان الفنان او المصمم كل حاجه في حياته ممكن تكون مصدر إلهام ليه

مين هو مثلك الاعلي والي عايز تبقي زيه؟ ايه المواقع الي بتحب تخش عليها وتشوف اعمال تانية عليها ؟
 deviantART and Behance  مين المصممين العرب او الاجانب الي بيجذبوا مين هما المصممين العرب او الجانب الي بيجذبوا انتباهك الفنان محمد صالح شحاته و الفنان طارق الزيني و الفنان كريم ادم و الفنان انور مصطفى والفنان نجيب النجار و الفنانة بسمه ابراهيم و الفنان محمد الجندي و الفنانة لبنى عبد العزيز و الفنانة اسماء عيسى و الفنان ابراهيم حمدي و الفنان محمد عمران و الفنان محمد عصام و الفنان محمد سعيد وبالنسبة للفنانين الأجانب Mario Sánchez Nevado  و  Dan Bérard.
___________________________________________________
خالص التحيات جروب ابداع المصمم  هذه المقابله كان هدفها هوه معرفه المصمم و نقل بعض من خبراته و تجاربه في عالم الفن و التصميم
تم عمل المقابله بواسطه ادمن sehs hany
تم المنتاج بواسطه ادمن amr elkazaz